Stórulaugar

 
  • Increase font size
  • Default font size
  • Decrease font size

 

Veiði

Við Stórulauga rennur Reykjadalsá sem er margrómað bæði sem urriða og laxveiðiá. Áin lætur ekki mikið yfir sér en mikið magn urriða og lax veiðist í þessari gullfallegu perlu Reykjadals.

 

Rúmgóð herbergi

Herbergin á Stóru-Laugum eru björt og rúmgóð; Fjögur þeirra með sér baðherbergi en auk þess eru 4 herbergi með handlaugum.

 

Staðsetning

Bærinn Stórulaugar er við Laugar, í Reykjardal. Bærinn stendur við veg 846 aðeins 800m norður af framhaldsskólanum á Laugum(keyrt að skólanum síðan beygt til vinstri).
Um Stórulauga

Af sögu bæjarins

Bærinn Stórulaugar í Reykjardal stendur undir Hvítafelli (393m).
Jarðar Stórulauga er getið í Reykdælu og nefnist þá Laugar. Þetta var talin ein besta jörð sveitarinnar og gamalt sýslumannssetur.

Nú hefur jörðinni verið skipt og komin mörg býli fyrir eitt áður. Býlið sem heldur Stórulaugarnafninu hefur norðurhluta landsins til merkja Öndólfsstaða. Brekkan er allbrött en mjög grasgefin. Heiðarlönd ná til vesturhlíða Hvítafells. Jarðhiti er í dalbrekkunni nýttur til upphitunar húsa.

Aðalgeir Davíðsson bjó á Stórulaugum frá 1880 til 1930 fyrst með móður sinni, en síðan með konu sinni Kristjönu Jónsdóttur. Aðalgeir réðst í að byggja íbúðarhús á jörðinni árið 1897. Húsið kom frá Noregi, með síldarskipum til Húsavíkur sumarið 1896. Allt efnið sem í húsið fór var síðan flutt á sleðum um veturinn frá Húsavík og suður í Stórulauga og var síðan reist hér á jörðinni um sumarið 1897.

Jarðhiti er í dalbrekkunni og heitt vatn var lagt í húsið 1923 til upphitunar á húsinu og þar var jafnframt fyrsta sturta sveitarinnar. Húsið er einnig elsta húsið í Reykjadal, en ekki voru mörg hús upphituð á þeim tíma.

Frá 1945 bjó hér Kristjana Einarsdóttir, ættuð frá Stórulaugum og með henni Jónas Stefánsson ættaður frá Öndólfsstöðum. Kristjana og Jónas voru stórhuga og mikið dugnaðarfólk. Árin 1950 - 1951 byggðu þau hér 317 fermetra steinhús á þremur hæðum. Í þessu stóra húsi er í dag gisting fyrir ferðamenn, í 8 herbergjum. Öll herbergin í húsinu bera nafn t.d: Jónasar herbergi, Gamla eldhús, Svíta, Vestur, Suður, Austur og Þríbreið.

Húsin að Stórulaugum

Á jörðinni búa nú Elín Björk Einarsdóttir og Sigurður Grétar Marinósson.

 
English (United Kingdom)Deutsch (DE-CH-AT)Italian (Italy)Español(Spanish Formal International)

Merki Ferðaþjónustu bænda

Aðili að Ferðaþjónustu bænda


Hægt er að panta með tölvupósti á gisting@storulaugar.is eða í síma 464-2990 / 897-7093


www.storulaugar.is
Stórulaugar